2015-yilning 9—12-iyul kunlari Myanma davlatida o‘smirlar o‘rtasida o‘tkazilgan Osiyo chempionatida O‘zbekiston sportchilari ham munosib ishtirok etib, 1 ta oltin hamda 2 tadan kumush va bronza medaliga sazovor bo‘ldi. Bu haqda O‘zbekiston Milliy olimpiya qo‘mitasi xabar bermoqda.
O‘zbekiston delegatsiyasi hisobiga oltin medalni yunon-rum kurashchisi Javohir Mirahmedov (-50 kg) keltirgan bo‘lsa, kumush medallarga Aram Vardanyan (-66 kg, yunon-rum kurashi) va Xolbozor Norboyeva (-63 kg, erkin kurash) sazovor bo‘ldi. Bronza medali Qamariddin Zayniddinov (-60 kg, yunon-rum kurashi) hamda Xojiakbar O‘tkirovga (-50 kg, erkin kurash) nasib etdi.
Izoh (0)