Yaponiyada “Mario” videoo‘yini yaratuvchisi va Nintendo kompaniyasi prezidenti Satoru Ivata 56 yoshida olamdan ko‘z yumdi. Bu haqda kompaniya tarqatgan xabarga tayanib, “TASS” ma’lum qilmoqda.
Ivata kompaniyani 2002-yildan beri boshqarardi. Bungacha ko‘p yil Nintendo kabi videoo‘yinlar ishlab chiqaruvchi HAL Laboratory’da faoliyat yuritdi va bu yerda 13 yil mobaynida oddiy xodimlikdan prezidentlikkacha bo‘lgan yo‘lni bosib o‘tdi.
Satoru Ivata suv quvuri ustasi Mario haqidagi o‘yinni ishlab chiqishga katta hissa qo‘shgan. Bu obraz ko‘plab rekordlar o‘rnatdi: Ginnes Rekordlar kitobining eng taniqli kompyuter o‘yinlari qahramonlari ro‘yxatida birinchi o‘rinni egalladi, 1993-yilda esa videoo‘yinga asoslangan ilk badiiy film – “Super aka-uka Mariolar” ekranlarga chiqdi.
Izoh (0)