Malayziya poytaxtida tunda sodir bo‘lgan noxush hodisadan so‘ng xavfsizlik choralari kuchaytirildi. U yerdagi savdo markazlaridan birida to‘plangan 100 ga yaqin kishilar do‘konlarni o‘marish va ag‘dar-to‘ntar qilishga urindi. Bu haqda “TASS” xabar beradi.
Hodisa natijasida kamida yetti kishi yaralandi, voqea joyidan reportaj tayyorlashga uringan jurnalistlar ham shular jumlasidandir.
Mahalliy vaqt bo‘yicha yarim tunda sovuq qurol bilan qurollangan bir guruh yoshlar savdo markazida to‘plana boshladi. Dastlabki ma’lumotlarga qaraganda, do‘kon egasi va yoshlar o‘rtasidagi mojaro hodisaga sabab bo‘lgan.
Politsiyaning ma’lum qilishicha, qoidabuzarlarni qo‘lga olish ishlari tuni bo‘yi davom etgan.
Izoh (0)