Fransiya politsiyasiga 2 yillik muzokaralardan so‘ng soqol qo‘yish va tatuirovka chizdirib yurishga ruxsat etildi, deb xabar qiladi “RIA Novosti”.
Fransiyada 1974-yilda qabul qilingan qonunga ko‘ra, politsiyachilarga soqol qo‘yib yurish taqiqlanmaydi, faqat ular buning zarurligi haqida tibbiy ma’lumotnoma taqdim etishlari kerak. Politsiya xodimiga tatuirovka chizdirishga ruxsatni faqat bo‘lim boshlig‘i berishi mumkin edi.
Ammo tartib posbonlarining soqol va tatuirovka bilan yurishi uchun ma’lum bir talablar qo‘yilgan. Soqol juda o‘sib ketishi va politsiyachilarning aslahalarni olib yurishiga xalaqit qilmasligi kerak. Tanadagi suratlar esa irqchilik, siyosiy va diniy ruhda bo‘lmasligi lozim.
Izoh (0)