Gretsiya moliya vaziri iste’foga chiqdi
Gretsiya moliya vaziri Yanis Varufakis 5-iyul kuni o‘tkazilgan referendumdan so‘ng iste’fo berdi, deb xabar qiladi Meduza.
“Referendum natijalari e’lon qilinganidan so‘ng men yevroguruh va boshqa ‘sheriklar’ning a’zolari orasida uchrashuvlar chog‘ida mening bo‘lmasligimni istayotganlar borligini bildim. Bosh vazir bu ish kelishuv tuzilishi uchun unga foydali bo‘lishi mumkin, deb hisoblamoqda. Shu sababli Moliya vazirligidan hozir ketyapman”, — dedi Varufakis.
Iyul oyi boshida Varufakis agar greklar qarz beruvchilarning shartiga rozi bo‘lsa, o‘z lavozimidan ketishini ma’lum qilgandi. 5-iyul kuni o‘tkazilgan referendumda Gretsiya aholisi shartlarga qarshi ovoz berdi.
2015-yil yanvarida hukumatni Aleksis Sipras qabul qilib olganidan beri Yanis Varufakis Gretsiya moliya vaziri lavozimini egallab kelayotgandi.
