Rossiya bosh prokuraturasi Sovet ittifoqi Davlat kengashining 1991-yilgi Boltiqbo‘yi mamlakatlar mustaqilligini tan olish to‘g‘risidagi qarori qonuniyligini tekshirishni boshladi, deya xabar bermoqda Meduza.
Interfax agentligi manbasining xabariga ko‘ra, tekshiruv deputatlar so‘rovi bo‘yicha olib borilmoqda. Deputatlardan qaysi biri bunday so‘rov berganiga aniqlik kiritilmayapti.
“Boltiq davlatlari mustaqilligini tan olish haqidagi qaror yuridik jihatdan ziddiyatli, chunki u konstitutsiyaviy bo‘lmagan organlar tomonidan qabul qilingan”, — dedi agentlik hamsuhbati.
Shu bilan birga, u prokuratura xulosasi har tomonlama o‘ylab ko‘rilgan bo‘lishi kerakligini aytdi va bunday qarorlar qabul qilishda “nafaqat huquqiy, balki siyosiy jihatlarni ham hisobga olish” kerakligini ta’kidladi.
Izoh (0)