Yangi Zelandiyada topilgan 70 grammlik veta dunyodagi eng katta hasharot deb tan olindi

Ulkan veta – chigirtkani eslatuvchi eng katta hasharot bo‘lib, uning og‘irligi 70 grammgacha yetadi. Bu sichqonning og‘irligidan uch marta ko‘proq, deb xabar beradi National Geographic.

Uni 53 yoshli olim Mark Moffett Yangi Zelandiyaning Littl-Barriyer orolidan topdi. Vetani qo‘yib yuborishdan oldin Moffett uni sabzi bilan mehmon qildi.

“Biz uni qo‘limizda olib ketayotganimizga qaramasdan, u sabzini kemirishda davom etdi. U sabzini butunlay yeb qo‘yishi mumkin edi, biroq biz bunday noyob hasharotning hazm qilish jarayonida muammo kelib chiqmasligi uchun sabzini undan olib qo‘ydik”, — deydi olim.