Farg‘ona shahrida tennis bo‘yicha sovrin jamg‘armasi 50 ming AQSh dollarini tashkil etuvchi “Chellenjer” turnirining asosiy to‘r bahslari davom etyapti, deb xabar qiladi “Olamsport.com”.
Yakkalik bahslarida kurashni davom ettirayotgan O‘zbekistonning so‘nggi vakili Temur Ismoilov ikkinchi davra bahsida kortga chiqdi.
Uning raqibi rossiyalik Karen Xachanov bo‘ldi. Ikki set davom etgan uchrashuvda Ismoilov 6:7, 2:6 hisobida imkoniyatni boy berib qo‘ydi. Shu tariqa, o‘zbek tennischilari yakkalikdagi ishtirokini yakunladi.
Eslatib o‘tamiz, 13-iyun kuni Ismoilov Namangandagi turnirda bosh mukofotni qo‘lga kiritgan edi.
Izoh (0)