Checheniston rahbari Ramzan Qodirov Rossiyaning Shimoliy Kavkazdagi mintaqalari — Checheniston, Ingushetiya va Dog‘istonda ko‘pxotinlilikka ruxsat etilishi lozimligini ma’lum qildi, deb xabar bermoqda “RBK”.
“Biz Rossiya qonunlarini buzmaymiz. FHDYoda faqat bir nikoh ro‘yxatga olinadi. Rossiyada 25 million musulmon yashaydi va Dog‘iston, Checheniston, Ingushetiya singari mintaqalar uchun ko‘pxotinlilik ruxsat berilishi lozim. Bizni yovvoyi deb hisoblaydiganlarning o‘zlari shunday, chunki bu ayollarga nisbatan toza va to‘g‘ri munosabatdir”, — dedi Qodirov.
“Ko‘pxotinlilikka dinimizda ruxsat berilgan. Bu majburiyat emas, sog‘lig‘i va moddiy ahvoli ko‘taradiganlar uchun imkoniyat. Ko‘pxotinlilik erkakda o‘ynashlar bo‘lmasligi uchun kerak. O‘ynashlardan ham sog‘liq, ham oilaga katta zarar yetadi, odam yolg‘on ichida yashashiga to‘g‘ri keladi, doimo xotini, bolalarini aldaydi.
Ko‘pchilik buni qo‘rqinchli deb hisoblaydi. Men esa bir necha o‘ynashga ega emas hech bo‘lmasa bir erkakni ko‘rsating deyman. Bunaqalar yo‘q. Ularning barchasi xotiniga yolg‘on gapiradi. Men esa rafiqamni hech qachon alday olmayman. Ko‘pxotinlilikka qarshi chiqsam — musulmon emasman. Men agar insonning ehtiyoji va imkoniyati bo‘lsa, bir nechta xotini bo‘lishi va Rossiyadagi demografik muammoni yechishi tarafdoriman”, — dedi Checheniston rahbari.
Izoh (0)