18 yoshli kanadalik Jeremi Kuk dastur orqali yo‘qolgan telefoni izidan borib, o‘qqa tutildi, deya xabar bermoqda TJournal.
Tergovning asosiy versiyasiga ko‘ra, Jeremi smartfonini taksida unutib qoldirgan, so‘ng Find My iPhone yoki shunga o‘xshash dastur yordamida (qurilma modeli noma’lum) uning izini topgan.
Xaritada ko‘rsatilgan nuqtaga yetib kelgach, o‘smir yigit to‘xtab turgan Mazda avtomobilidagi uch nafar erkak bilan janjallashgan. Kuk smartfonini qaytarib olish uchun kuch ishlatmoqchi bo‘lgan, mashina harakatlana boshlagan, u esa eshikka ilashib olgan. Shundan so‘ng bir necha marta o‘q uzilgan. Kuk olgan jarohatlari tufayli voqea joyida vafot etgan.
Mazda avtomobili jinoyat joyi yaqinida topildi, uning yonida Kukning telefoni ham yotardi.
18—21 yoshdagi uch nafar qora tanli erkakka nisbatan qidiruv e’lon qilindi.
Izoh (0)