Namangan viloyatida firibgar shifokorlar qo‘lga olindi

Namangan viloyatining To‘raqo‘rg‘on tumanida davlat tibbiy muassasalarining bir necha shifokorlari yuzlab bemorlarni aldagani ma’lum bo‘ldi. Bu haqda UZ24 xabar bermoqda.

Bu shifokorlar bir necha yil davomida ultratovush tekshiruvi (UTT)ni o‘tkazish uchun bemorlardan pul olib kelgan, vaholanki, davlat tibbiy muassasalarida mazkur xizmat bepul taqdim etilishi kerak.

“Huquq” gazetasining xabar berishicha, qo‘lga olinganlar orasida To‘raqo‘rg‘on tumani markaziy kasalxonasi, Markaziy tug‘uruqxona UTT shifokorlari, shuningdek, katta miqdordagi pul mablag‘larini o‘zlashtirgan boshqa bir qator tibbiyot xodimlari bor.