MERS koronavirusi bilan bog‘liq Yevropadagi ilk o‘lim holati Germaniyada qayd etildi

Germaniyada MERS koronavirusi zararlangan ilk bemor vafot etdi. Bu haqda Augsburger Allgemeine xabar bermoqda.

Nashr ma’lumotlariga ko‘ra, vafot etgan shaxs – Shimoliy Reyn-Vestfaliyada istiqomat qiluvchi 65 yoshli erkak edi. U 6-iyunda, Quyi Saksoniyadagi kasalxonada, koronavirus qoldirgan asorat natijasida vafot etgan.

Shifokorlarning ma’lum qilishlaricha, erkak fevral oyida, BAAning Abu-Dabi shahrida hordiq chiqarayotganida virusni yuqtirib olgan. Germaniyalik fuqaro MERS’dan tuzalgan deb hisoblanayotgan edi, biroq u virusning o‘limga olib keluvchi asoratlaridan qutila olmadi.