Alisher Usmonov tomonidan sotib olingan Nobel medali DNK ixtirochisi Jeyms Uotsonga qaytarib beriladi
DNK ixtirochisi — amerikalik olim Jeyms Uotson 17-iyun kuni Rossiya Fanlar akademiyasining Katta zalida ochiq ma’ruza o‘tkazadi, deb xabar bermoqda “TASS”.
Tashrif davomida Uotsonga rossiyalik milliarder Alisher Usmonov tomonidan kimoshdi savdosida sotib olingan Nobel medalini qaytarish marosimi o‘tkaziladi. Tadbirlarda Rossiya Fanlar akademiiyasi prezidenti Vladimir Fortov ishtirok etadi.
Eslatib o‘tamiz, rossiyalik milliarder Alisher Usmonov 2014-yil 4-dekabr kuni Nyu-Yorkdagi Christie’s kimoshdi savdosida Uotsonning Nobel medalini 4,76 million dollarga sotib olgan va uni o‘z otasini hayotdan olib ketgan saratonni davolash usullarini izlash bilan shug‘ullangan olimga qaytarib berishini ma’lum qilgan edi. O‘z navbatida, amerikalik biolog savdodan olingan 4,1 million dollarni (qolgan qismi kimoshdi savdosi uyiga beriladi) o‘quv muassasalariga xayriya sifatida ishlatishini bildirgan.
