Airbus internet yetkazib berish uchun 900 ta sun’iy yo‘ldosh qurishni rejalashtirmoqda
Yevropaning Airbus aviakonserni vakillari OneWeb Ltd. xususiy kompaniyasi uchun milliardlab insonlarga yuqori tezlikdagi internetni yetkazib bera oladigan 900 ta sun’iy yo‘ldosh qurib berishni rejalashtirmoqda, deb xabar berdi “Vedomosti”.
“OneWeb sun’iy yo‘ldoshlari katta miqdorda ishlab chiqariladi, har birining og‘irligi 150 kilogrammni tashkil etadi. Butun tarmoq ishga tushirilgach tizim butun dunyodagi qishloq hududlariga ma’lumotlarni soniyasiga 10 terabitdan yetkazib bera oladi”, — deyiladi kompaniya bayonotida.
Uning asoschisi va boshqaruvchisi Greg Uaylerning so‘zlariga ko‘ra, 2018-yil boshida ishga tushirilishi rejalashtirilgan butun loyihaning qiymati 1,5—2 milliard dollarga baholangan.
Dastlabki 10 ta sun’iy yo‘ldosh Airbus kompaniyasining asosiy ishlab chiqarish quvvatlari joylashgan Fransiyaning Tuluza shahri yaqinida quriladi. Keyin esa AQShda yig‘ish boshlanadi. Apparatlarni uchirish uchun kichik yuk kosmik kemalarini yaratishga ixtisoslashgan kompaniyalar tanlanadi.
