AQShning Shimoliy Karolina shtatida akulalar hujumi natijasida ikki o‘smir jabrlandi. Har ikkala noxush hodisa 14-iyun, yakshanba kuni Ouk Aylend shahridagi qirg‘oqbo‘yida sodir bo‘ldi, deb xabar berdi Reuters.
Birinchi hujum 16:00 atrofida sodir bo‘ldi. 14 yoshli qiz yaqinida suzayotgan erkak uning qichqirgan ovozini eshitib yordamga keldi. Jabrlangan qiz vertolyot yordamida kasalxonaga yuborildi. Shahar meri Betti Uollesning so‘zlariga ko‘ra, qiz chap qo‘lining bir qismidan mahrum bo‘ldi, shuningdek oyoqsiz qolishi mumkin.
Bir yarim soatdan so‘ng, o‘sha plyajning o‘zida akula 16 yoshli o‘smirga hujum qildi, natijada bola chap qo‘lidan ayrildi.
Uollesning aytishicha, 15-iyun kuni majlis o‘tkazilib, unda plyajning yopilishi maqsadga muvofiqligi to‘g‘risida qaror qabul qilinadi.
Izoh (0)