Gyote-institutining O‘zbekistondagi vakolatxonasi, “OXUS Culture” tashkiloti hamda I.V.Savitskiy nomidagi Qoraqalpog‘iston davlat muzeyi hamkorlikda Qoraqalpog‘iston maktab o‘quvchilari orasida o‘tkazgan “Mening sevimli muzeyim” nomli insholar tanlovi yakuniga yetdi. Bu haqda tanlov tashkilotchilari “Daryo”ga ma’lum qildi.
Eslatib o‘tamiz, tanlov 2015-yilning aprel oyida boshlangandi.
Tashkiliy qo‘mita tomonidan tanlovga kelib tushgan insholar imlosi, badiiy saviyasi va fikr erkinligi ko‘rsatkichlari bo‘yicha baholandi. Tanlovda Qoraqalpog‘istonning bir qator maktablaridan 6—9-sinf o‘quvchilari ishtirok etdi va nemis, ingliz, rus, o‘zbek va qoraqalpoq tillarida yozilgan umumiy hisobda 136 ta insho kelib tushdi
G‘oliblarni taqdirlash marosimi 27-may kuni I.V.Savitskiy nomidagi Qoraqalpog‘iston davlat muzeyida bo‘lib o‘tdi. Tanlov g‘oliblari hamkorlarning esdalik sovg‘alari va faxriy yorliqlar bilan taqdirlanadi.
Izoh (0)