“Real” himoyachisi Pepe futbol bo‘yicha Ispaniya chempionatining 37-turidagi “Espanyol” ustidan qozonilgan g‘alabadan so‘ng, kataloniyaliklar darvozasiga xet-trik kiritganidan quvonayotgan jamoadoshi Krishtianu Ronalduga tanbeh berdi, deb xabar qiladi “Sports.ru”.
Pepe final hushtagi chalinganidan so‘ng Ronalduga yaqinlashdi va parallel o‘tgan bellashuvda “Barselona” “Atletiko”ni mag‘lub etib, chempionlik unvonini qo‘lga kiritganini aytdi. Bundan tashqari, forvard “Espanyol” bilan uchrashuvdagi muvaffaqiyatli o‘yinidan juda ham xursand bo‘lib ketmasligi kerakligini qo‘shimcha qildi.
Pepe bilan suhbatlashguncha Ronaldu juda baxtiyor ko‘rinayotgan va hatto xet-trik qayd qilgan to‘pini ham o‘zi bilan birga olib ketayotgandi.
Izoh (0)