Buyuk Britaniyada tibbiyot xodimi 33 ta ayblov bandi bo‘yicha aybdor deb topildi. Shu jumladan u ikki kishini o‘ldirish va 20 kishini zaharlashda ayblanmoqda, deb xabar qiladi “Nur.kz”.
Jinoyatlar Angliyaning “Stiping Hill” shifoxonasida 2011-yil iyul oyida sodir etilgan.
Kelib chiqishi filippinlik bo‘lgan 49 yoshli Britaniya fuqarosi Viktorino Chua Filippindagi shifoxonada ham ishlagan va o‘g‘irlik bilan qo‘lga tushgan ekan.
Chuaning uyidan topilgan yozuvda quyidagilar qayd etilgandi: “Men yaxshi odamman, ammo ichimda iblis bor… Men yovuzman, lekin shu bilan birga farishtaman. Tibbiyot xodimining qayg‘uli tavbasi”. Huquq-tartibot idoralari Chuaning psixopatik harakatlarga moyilligini ta’kidladi.
Tibbiy xodim o‘zi g‘amxo‘rlik qilgan bemorlarni qasddan zaharlagan va o‘ldirgan. Ayblanuvchi bemorlarga boshqa dorilarni bergan va dorilar miqdorini oshirish uchun tibbiy kartalarni almashtirgan.
Chuaning ishi bo‘yicha sud hukmi 19-may kuni e’lon qilinadi.
Izoh (0)