KXDR yetakchisi Kim Chen In Aerokosmik texnologiyalar qo‘mitasining yangi qurilgan sun’iy yo‘ldosh parvozlarini nazorat qilish va boshqarish markaziga tashrif buyurdi, deb xabar beradi “TASS”.
Obyektni ko‘zdan kechirish davomida Kim Chen In “tinchlik maqsadida koinotni tadqiq qilish respublikaning qonuniy huquqi” ekanligini ta’kidlab o‘tdi.
“KXDR sun’iy yo‘ldoshlarni samoga uchiruvchi mamlakat maqomidan voz kechmaydi va dushman kuchlarining qarshi harakatiga qaramasdan kosmik fazoni o‘rganishda davom etaveradi”, — dedi Kim Chen In.
U parvozlarni nazorat qilish va boshqarish markazini qurgan Koreya xalq armiyasining 963-raqamli harbiy qismiga minnatdorchilik bildirdi.
Izoh (0)