Britaniya qirollik oilasi a’zolari 3-may, yakshanba kuni Kensington saroyiga Kembridj gersoginyasi Ketrin va uning yangi tug‘ilgan qizini ko‘rish uchun keldi, deya xabar bermoqda “TASS”. Mahalliy OAVlar yozishicha, Uels shahzodasi Charlz va uning rafiqasi Kornuol gersoginyasi Kamilla nabiralari bilan naq bir soatni o‘tkazgan.
Chaqaloqni ko‘rish uchun Keytning ota-onasi Maykl va Kerol Middlton hamda singlisi Pippa ham keldi.
Bu orada esa Buyuk Britaniya aholisi yosh merosxo‘rga qanday ism qo‘yishlarini taxmin qilmoqda. Bukmekerlar qizaloqni Elis yoki Sharlotta deb atashlarini gumon qilmoqda. Bundan tashqari, Oliviya, Viktoriya va Yelizaveta variantlari ham bor.
Eslatib o‘tamiz, Keyt Middlton 2-may kuni 3,71 kg og‘irlikdagi qiz farzandni dunyoga keltirdi.
Avvalroq Shahzoda Uilyam va Keyt Middlton qiz ko‘rsa, uni malika Diana sharafiganomlamoqchi ekanligi xabar berilgan edi.
Izoh (0)