Angrenda bir fuqaroning Samsung rusumli telefonini tortib olishdi

Angrendan bo‘lgan fuqaro shahardagi bozordan qaytayotganida uning yo‘lini bir yigit to‘sib chiqdi, deb xabar beradi “Postda” gazetasi.

Qayd etilishicha, yo‘lto‘sar kuch ishlatib, fuqaroning Samsung rusumli telefonini tortib olib, voqea joyidan yashiringan. Jabrlanuvchi zudlik bilan ichki ishlar idorasiga xabar bergan.

Tizim xodimlari tomonidan olib borilgan tezkor qidiruv va surishtiruv harakatlari o‘z natijasini berdi: mazkur jinoyat angrenlik shaxs tomonidan sodir etilgani aniqlandi va u shahar IIBga keltirildi.