Britaniyadagi Markaziy Lankashir universiteti bir kun — 7-may kuni o‘z darsxonalaridan biriga kuchukchalarni kiritib yuboradi, deya xabar bermoqda The Independent. Bu talabalarga imtihonlar tufayli yuzaga kelgan ruhiy zo‘riqishni yengishda yordam berish maqsadida qilinadi.
“Toliqqan talabalar uchun” aksiya OTMning talabalar kengashi tomonidan yo‘lko‘rsatuvchi itlarni tarbiyalash bilan shug‘ullanuvchi mahalliy xayriya jamg‘armasi bilan hamkorlikda tashkil qilindi. Shu maqsadda alohida ajratilgan xonada talabalar imtihonlar tufayli yuzaga kelgan charchoqni chiqarish uchun kuchukchalarni silab-siypashi mumkin.
Tashkilotchilar umid qilishicha, aksiya jamg‘arma uchun mablag‘ yig‘ib (xohlovchilar 1,5 funt sterlingdan xayriya qilishi mumkin), itlarga esa odamlardan qo‘rquv hissidan qutulishga yordam berishi mumkin.
Izoh (0)