Pekinda ShHT Milliy koordinatorlari kengashining navbatdagi yig‘ilishi bo‘lib o‘tdi

2015-yilning 28-30-aprel kunlari Pekin shahrida Shanxay hamkorlik tashkilotiga a’zo davlatlar Milliy koordinatorlar kengashining navbatdagi yig‘ilishi bo‘lib o‘tdi. Bu haqda O‘zbekiston Tashqi ishlar vazirlgi matbuot xizmati xabar berdi.

Tadbirda Qirg‘iziston, Qozog‘iston, Rossiya, Tojikiston, Xitoy va O‘zbekiston vakillari Ufa shahrida (Rossiya) bo‘lib o‘tadigan Davlat rahbarlari kengashining hamda ShHTning boshqa nizomiy organlarining yig‘ilishlariga tayyorgarlik jarayonining amaliy masalalarini muhokama qildilar.

Shuningdek, yig‘lishda 2015-yil 29-martdagi O‘zbekiston Respublikasi Prezidenti va 26-apreldagi Qozog‘iston Respublikasi Prezidenti saylovlarida ishtirok etgan ShHT kuzatuvchilar missiyalari faoliyati yakunlari to‘g‘risida ma’lumot berdi.