Bryussel politsiyasi Qirollik san’at va tarix muzeyidan Misr mo‘miyosining boshini o‘g‘irlab ketgan belgiyalikni hibsga oldi. Bu haqda “Segodnya.ua” xabar bermoqda.
Bryussel prokuraturasi vakilining so‘zlariga ko‘ra, o‘g‘ri o‘z qilmishini tan olgan va bu harakatni o‘zining moliyaviy ahvolini yaxshilab olish maqsadida amalga oshirganini ma’lum qilgan.
Mo‘miyo boshini sotib olgan xaridor, unga muzey eksponatining bir qismini sotgan shaxs hibsga olinganini bilganidan so‘ng, ko‘ngilli ravishda politsiyaga kelib, bo‘lgan voqeani ma’lum qilgan.
Xaridor Misr mo‘miyosining boshi uchun qancha pul to‘lagani ma’lum qilinmayapti. Bryussel prokuraturasi vakilining so‘zlariga ko‘ra, mo‘miyolangan jasadning bir qismi tez orada muzeyga qaytariladi.
Izoh (0)