12 ming muhojir Yamandan Somali va Jibutiga yetib keldi

Yamandagi nizolar kuchayishi natijasida 12 mingdan ortiq migrantlar Somali va Jibutiga ko‘chib o‘tdi, deb xabar qiladi “RIA Novosti”.

Xalqaro muhojirlik tashkiloti vakili Joel Millmanning so‘zlariga ko‘ra, muhojirlar asosan kemada Afrika mamlakatlariga o‘tib ketmoqda.

XMT ma’lumotlariga ko‘ra, Jibutiga Yamandan 8,9 ming muhojir yetib kelgan, bulardan 50 foiz (4,7 ming kishi)dan ortig‘i uchinchi mamlakatlar fuqarolari hisoblanadi. Somalidagi muhojirlar soni 3410 kishini tashkil qiladi.

26-mart kuni Yamandagi “Ansor Alloh” isyonchi shialarga qarshi boshlangan “Jasorat bo‘roni” harbiy operatsiyasi 21-aprelda yakunlangani e’lon qilingandi. Arab koalitsiyasiga Saudiya Arabistoni boshchilik qildi. Operatsiyada Kuvayt, Qatar, BAA, Bahrayn, Misr, Iordaniya, Marokash va Sudan ishtirok etdi. Operatsiya yakunlangani e’lon qilinganiga qaramay, koalitsiya xusiylarning pozitsiyalariga zarba berishda davom etmoqda, natijada tinch aholi bundan ziyon ko‘rmoqda.

Butunjahon sog‘liqni saqlash tashkiloti ma’lumotlariga ko‘ra, aprel oyi oxirigacha Yamanda 1244 kishi halok bo‘ldi va 5044 kishi yaralandi. 334 mingdan ortiq kishi evakuatsiya qilindi, 254 mingdan ortiq odam qochoqqa aylandi.

Eslatib o‘tamiz, Rossiya Yamandan 369 nafar O‘zbekiston fuqarosini evakuatsiya qilgandi.