Uchquduqda “Qizilqum go‘zali” aniqlandi

Shimoliy kon boshqarmasi xodimalari “Miss Qizilqum-2015” tanlovida ishtirok etishdi. VX.uz xabariga ko‘ra, bu nomdagi tanlov Navoiy viloyatining Uchquduq shahrida bo‘lib o‘tgan.

Tanlovda 45-55 yosh oralig‘idagi ayollar ishtirok etgan. Ishtirokchilar tanlovning to‘rt bosqichi davomida o‘zlari haqida ma’lumot berishgan, raqs mahoratlarini namoyish etishgan, nevaralarni tarbiyalash uslublari bilan o‘rtoqlashib, omma e’tiboriga oqshom liboslarini taqdim etishgan.

Hakamlar hay’ati qaroriga asosan 2-TSQ epidemiologiya bo‘limi mudiri, shifokor Yorqinoy Qorabekova “Qizilqum go‘zali-2015” deb topildi.

Shuningdek, 1-yotoqxona UYKSH mudiri Gulchehra Rashidova, “Konchi” profilaktoriysi oshpazi Ziyoda Tosheva, 3-GMZ laboranti Gulshod Qo‘shmatova, 3-GMZ nazoratchisi Roziya Shopo‘latova, 3-bolalar bog‘chasi tarbiyachisi Malika Garmonova va UYKSH mehmonxonasi ma’muri Nasiba Suyunova ham turli yo‘nalishlar bo‘yicha g‘olib deb topildi.

Tanlov qatnashchilari diplom va esdalik sovg‘alari bilan taqdirlandi.