28-aprel kuni Toshkentda maxsus maktab-internatlarda o‘qiydigan yoshlar o‘rtasida paralimpiya futzali bo‘yicha O‘zbekiston chempionati boshlandi, deb xabar beradi O‘zbekiston milliy paralimpiya assotsiatsiyasi matbuot xizmati.
Chempionatda Respublikaning to‘qqiz hududi – Toshkent, Samarqand, Xorazm, Buxoro, Qashqadaryo, Farg‘ona, Namangan, Andijon viloyatlari va Toshkent shahridan 12 jamoa ishtirok etmoqda.
Chempionatning asosiy maqsadi futzal bo‘yicha paralimpiya yoshlar terma jamoasiga iqtidorli yoshlarni saralashdan iborat. Musobaqa ikki kun davom etadi.