Toshkent shahar Shayxontohur tumanida istiqomat qiluvchi xususiy tadbirkor kechki payt o‘zining Lacetti rusumli avtomashinasiga o‘tirdi, deb xabar beradi “Postda” gazetasi.
Kutilmaganda mashinaga noma’lum shaxslar bostirib kirib, tadbirkorni urdi va salonda bo‘lgan katta miqdordagi pulni olib ketdi.
Tuman IIB xodimlari tomonidan olib borilgan tergov-surishtiruv ishlari natijasida bosqinchilar fosh etildi. Ushbu jinoyatni Toshkentda yashaydigan olti nafar fuqaro sodir etganligi aniqlandi va mazkur holat bo‘yicha jinoyat ishi qo‘zg‘atildi.
Ayni damda tergov harakatlari olib borilmoqda.
Izoh (0)