O‘zbekiston Respublikasi Tashqi ishlar vaziri AQSh elchisini qabul qildi

2015-yilning 27-aprel kuni O‘zbekiston Respublikasi Tashqi ishlar vaziri Abdulaziz Kamilov Amerika Qo‘shma Shtatlarining Favqulodda va muxtor elchisi Pamela Leora Spartlenni qabul qildi. Bu haqda O‘zbekiston Respublikasi Tashqi ishlar vazirligi rasmiy saytida xabar berildi.

Uchrashuv doirasida O‘zbekiston Respublikasi Hukumati va Amerika Qo‘shma Shtatlari Hukumati o‘rtasida narkotiklarni nazorat qilish sohasida ko‘maklashish va huquqni qo‘llash bo‘yicha 2001-yil 14-avgustdagi Bitimga qo‘shimcha kiritish haqida hujjat imzolandi.