O‘zbekistonning aksariyat hududlarida bo‘lgani kabi, 25 aprel, shanba kuni oqshomda Toshkent shahrida kuchli shamol esdi, oqibatda bir qator ko‘ngilsiz holatlar yuz berdi.
Xususan, shaharning ko‘plab joylarida daraxt shoxlari singani, ba’zi holatlarda bu shoxlar avtomobillarning ustiga tushgani, shuningdek, bir qator avtoturargohlarning tomlari uchib ketganini tasdiqlovchi fotosuratlar ijtimoiy tarmoqlarda e’lon qilindi.
Kuchli shamol natijasida Chorsu maydonidagi reklama bannerlaridan biri ag‘darilganini ham ko‘rish mumkin.
Shuningdek, foydalanuvchilardan biri yangi qurilgan “Minor” masjidining qarshisidagi mahalla atrofiga o‘rnatib chiqilgan tunuka devorlar shamol natijasida ag‘darilib ketgani panorama-tasvirini ham joylashtirgan.
Avvalroq, Toshkent shahrining Yashnobod tumanida joylashgan “Jo‘rabek” masjidida yong‘in yuz bergani haqida xabar berilgan edi. Qayd etishlaricha, uzilgan elektr simlarining qisqa tutashuvi natijasida kelib chiqqan.
Izoh (0)