24-aprel kuni Qo‘qon shahrida yuz bergan portlash haqida O‘zbekiston Respublikasi Ichki ishlar vazirligi bayonot berdi. Bayonot quyida to‘liq keltiriladi
2015-yil 24-aprel kuni soat 20:30 lar chamasida Farg‘ona viloyati Qo‘qon shahar, Furqat ko‘chasida joylashgan “Avtogaz” mas’uliyati cheklangan jamiyatga qarashli “Sayohat” nomli avtomashinalarga gaz quyish shahobchasida suyultirilgan gazni sig‘imga to‘kish texnologiyasiga to‘liq rioya qilinmaganligi oqibatida yong‘in sodir bo‘lgan. Natijada shahobchadagi ikkita turli hajmdagi sig‘imlar yong‘inda qizish oqibatida yorilib, portlash yuz bergan.Eslatib o‘tamiz, ushbu portlash chog‘ida olingan video ijtimoiy tarmoqlarda tez tarqalib ketdi.Yong‘inni bartaraf etish vaqtida shahobchaning bir nafar ishchisi va ikki nafar yong‘in xavfsizligi xizmati xodimlari turli darajadagi kuyish jarohatlari bilan kasalxonaga yotkizilganlar.
Hozirda moddiy zarar miqdori aniqlanmoqda.
Holat bo‘yicha dastlabki tergovoldi surishtiruv harakatlari olib borilmoqda.
Izoh (0)