Checheniston rahbari Ramzan Qodirov o‘zini Rossiya prezidenti Vladimir Putinga qarshi qo‘yishlarini “kulguli” deb atab, lozim bo‘lsa o‘z lavozimidan voz kechishga tayyorligini ma’lum qildi, deb xabar bermoqda “Gazeta.ru”.
“Men oliy bosh qo‘mondonning oddiy piyoda askariman. Menga buyruq berishsa, uni 100 foizga bajaraman. Ketish kerak bo‘lsa — ketaman, o‘lishga ham tayyorman. Shuning uchun ham Qodirovni prezidentga qarshi qo‘yish kulgulidir”, − dedi Qodirov.
Avvalroq, Rossiya Ichki ishlar vazirligi Checheniston rahbari Ramzan Qodirovning mamlakatdagi boshqa mintaqalar maxsus xizmatlari tomonidan Chechenistonda o‘tkaziladigan operatsiyalarda ularga qarata o‘t ochish mumkinligi haqidagi bayonotini nojoiz deb atagan edi
Izoh (0)