2015-yilning 24-aprel kuni O‘zbekiston Respublikasi Tashqi ishlar vaziri Abdulaziz Kamilov BMT Bosh kotibining Maxsus vakili, Markaziy Osiyo uchun preventiv diplomatiya bo‘yicha mintaqaviy markazi (MOPDMM) rahbari mintaqada o‘z missiyasini yakunlayotgan Miroslav Yenchani qabul qildi. Bu haqda O‘zbekiston Respublikasi Tashqi ishlar vazirligi rasmiy saytida xabar berildi.
Miroslav Yencha 2008-yildan buyon MOPDMMni boshqarib kelmoqda, 2015-yilning may oyidan boshlab esa BMT Bosh kotibining siyosiy masalalar bo‘yicha yordamchisi lavozimida faoliyat ko‘rsatadi.
Suhbat chog‘ida O‘zbekiston va BMT o‘rtasidagi hamkorlikning holati va istiqbollari, jumladan, joriy yilda bo‘lajak ikki tomonlama uchrashuvlar jadvali muhokama qilindi.
Shuningdek, 2015-yilning 29-30-aprel kunlari Vena shahrida suvdan foydalanish sohasida mintaqaviy hamkorlikni mustahkamlashda xalqaro huquq me’yorlarini tadbiq etishni muhokama qilish maqsadida MOPDMM tashabbusi bilan o‘tkaziladigan Markaziy Osiyo mamlakatlari yuqori mansabdor shaxslari uchrashuvida O‘zbekiston delegatsiyasining ishtiroki tasdiqlandi.
Muloqot davomida ba’zi xalqaro va mintaqaviy muammolar yuzasidan ham fikr almashildi.
Izoh (0)