“Bavariya” YeChL chorak finali javob o‘yinida “Portu”ni 6:1 hisobida mag‘lub etdi

Myunxenning “Bavariya” klubi Yevropa Chempionlar ligasining chorak final uchrashuvida hech kim kutmagan natijani qayd etdi. Xosep Gvardiola shogirdlari ilk o‘yindagi 1:3 hisobidagi mag‘lubiyatga 6:1 hisobidagi g‘alaba bilan javob qaytarishdi, deb xabar bermoqda “Olamsport”.

Bu bilan myunxenliklar pley-off o‘yinlari ikki uchrashuvdan iborat bo‘lishini va ilk bahsdan keyin xulosa chiqarishga erta ekanligini amalda isbotlashdi. Tennisga xos hisob bilan zafar quchgan “Bavariya” bosh mukofot uchun kurashni davom ettiradi.

“Bavariya” — “Portu” 6:1 (Birinchi o‘yin - 1:3)

“Bavariya”: Noyer — Rafinya (Rode, 72), Boateng, Badshtuber, Bernat — Lam, Alonso, Alkantara (Dante, 90) — Myuller, Levandovski, Gyottse (Vayzer, 86)

“Portu”: Fabiano — Diyego Reyes (Rikardu Pereyra, 33), Maykon, Markano, Martins Indi — Errera, Kazemiro, Oliver Torres — Kuarejma (Nevesh, 46), Jekson Martines, Braimi (Evandro, 67)

Ogohlantirishlar: Badshtuber — Errera, Jekson Martines, Rikardu Pereyra, Markano

Chetlatish: Markano, 87 (ikkinchi sariq)