Xorazm viloyatidagi ustaxonadan 18 ta telefon o‘g‘irlab ketildi

Noma’lum shaxs Xorazm viloyati Urganch tumanidagi uyali telefonlarni ta’mirlash ustaxonasi eshigini buzib kirdi, deb xabar bermoqda “Postda” gazetasi.

Qayd etilishicha, bosqinchi ustaxonadan 18 dona turli rusumdagi uyali telefon apparati va bir dona kamerani o‘marib ketgan.

Olib borilgan tezkor-qidiruv tadbirlari natijasida o‘g‘rilikni sodir etishda gumon qilinib, shu tumanda yashovchi shaxs qo‘lga olindi. Ushbu holat yuzasidan jinoyat ishi qo‘zg‘atildi.