Taniqli kubalik murabbiy Pedro Dias o‘zbekistonlik bokschi Ruslan Chagayevni joriy yilning iyun oyida bo‘lib o‘tadigan jangga tayyorlaydi, deb xabar bermoqda “12news.uz”.
Dias kubalik Odlanyer Solis va Gilyermo Rigondoni, shuningdek, puerto-rikolik Migel Kottoni shug‘ullantirgan. WBA yo‘nalishining superog‘ir vaznida amaldagi chempion hisoblangan Chagayevning avvalgi murabbiyi – germaniyalik Frits Zdunek o‘tgan yil oxirida vafot etgan edi.
Avvalroq, Nyu-York sudi Chagayev puerto-rikolik Fres Okendo bilan takroriy jang o‘tkazishi lozimligi, buni rad etgan taqdirda WBA chempionligidan mahrum bo‘lishi haqida qaror aqbul qilgan edi. Chagayevning promouteri Timur Dugazev Amerika sudi bu ishda nimadir hal qilishi mumkin emasligini ma’lum qilgan.
Izoh (0)