Buxoro shahrida tennis bo‘yicha “Fyuchers” turkumiga kiruvchi mukofot jamg‘armasi 15 ming AQSh dollaridan iborat bo‘lgan turnirda yarim final ishtirokchilari ma’lum bo‘ldi, deb xabar bermoqda “Olamsport”.
“Dilkusho” tennis kortlari mezbonlik qilayotgan musobaqaning asosiy to‘rida sakkiz nafar tennischimiz o‘z ishtirokini boshlagan bo‘lsa, ulardan faqat bir nafari bahslarni davom ettiryapti.
Musobaqaga imtiyozli ravishda qo‘yilgan iste’dodli tennischimiz Jo‘rabek Karimov chorak finalda turnirning to‘rtinchi raketkasi rossiyalik Anton Zaysev bilan hisob-kitob qildi. Kuchli raqibiga qarshi kechgan bahsda Jo‘rabek 1:6, 7:5, 7:6(7) hisobida g‘alaba qozondi.
Bugun hamyurtimiz final chiptasi uchun kechadigan uchrashuvda turnirning ikkinchi raketkasi belaruslik Dmitriy Jirmontga qarshi kortga chiqadi. Ikkinchi yarim final bahsida rossiyalik Karen Xachanov va belaruslik Ilya Ivashko o‘zaro munosabatlariga oydinlik kiritib olishadi.
Izoh (0)