Tojikiston davlat pedagogika universiteti rektori Nosirjon Salimiy va olim Xolmahmad Same’ Tojikiston prezidenti Emomali Rahmonni tojik xalqi oldidagi xizmatlari uchun “millat yetakchisi” deb e’lon qilishni taklif etdi. Bu haqda Asia-Plus nashri xabar berdi.
Olimlar ta’kidlashicha, prezident o‘z ishlari bilan “millat yetakchisi” deb hisoblanishga arziydi. Ular Emomali Rahmonning mamlakatda tinchlikni tiklashdagi xizmatlarini esga olib, uning iqtisodiy taraqqiyot va kommunikatsiya muammolaridan chiqish bo‘yicha dasturini Malayziyadagi “Kelajak 2020”, Ruzveltning “Yangi yo‘l”, Li Kuan Yuning “Singapurni sanoatlashtirish dasturi” bilan qiyoslamoqda.
Olimlar fikricha, bu “yangi mustaqil davlatlar siyosiy madaniyatidagi yangi va kamyob hodisa”dir.
Izoh (0)