KXDR Yaponiya hududiga qadar uchib borish imkoniga ega mingga yaqin ballistik raketaga ega. Bu haqda Vashingtondagi Jons Xopkins universiteti qoshidagi Amerika-Koreya xalqaro istiqbolli tadqiqotlar instituti tomonidan chop etilgan ma’ruzada aytib o‘tilgan, deya xabar bermoqda TASS agentligi.
Parvoz masofasi 1,2—1,5 ming km bo‘lgan “Nodon” turkumidagi, hamda “Skad” turkumidagi uchish masofasi 300—600 km bo‘lgan raketalar shular jumlasidandir. Ma’ruzada qayd etilishicha, Shimoliy Koreya 2020-yilga borib 100 ga yaqin yadroviy kallaklarga ega mamlakatga aylanishi mumkin.
“Shimoliy Koreyaning hozirgi kundagi quvvati uning yadroviy arsenalini yanada mustahkamlash uchun yetarlidir. Bu holat Shimoliy Koreyaning 2020-yilga borib qariyb 100 ga yaqin yadroviy kallaklarga ega bo‘la olishiga va buning natijasida voqealarning noxush rivojiga olib keladi” — deya ta’kidlandi ma’ruzada.
Izoh (0)