Yaqinda hadya sifatida otqashlagich va buloq suvi to‘ldirilgan butilka olgan Buyuk Britaniya qirolichasi Yelizaveta II uning ajdodlariga ancha ahamiyatli sovg‘alar berishgani, endi esa hadyalar “avvalgiday emasligi”ni ta’kidladi, deb yozadi “Korrespondent.net”.
Qirolicha yaqinda Vindzordagi kutubxonaga tashrif buyurdi, u yerda ayni paytda qirollik hujjatlari matnlarini raqamli ko‘rinishga o‘tkazish bo‘yicha loyiha amalga oshirilmoqda.
Doktor Joanna Nyuman so‘zlariga ko‘ra, Britaniya monarxi kutubxonadagi sovg‘alardan hayratga tushgan, ayniqsa, Fors shohi tomonidan 1812-yilda tortiq qilingan she’riy kitob uning e’tiborini tortgan.
“Bunday sovg‘alarni hozir berishmaydi”, — deya qayd etdi Yelizaveta II kitobni ko‘zdan kechirar ekan.
Izoh (0)