1—9-aprel kunlari Toshkentda o‘smirlar va kadetlar o‘rtasida qilichbozlik bo‘yicha jahon chempionati bo‘lib o‘tadi. Unda qatnashish uchun dunyoning 104 mamlakati ariza berdi.
“12news.uz” yozishicha, birinchilik doirasida FIE (Xalqaro qilichbozlik federatsiyasi) ijroiya qo‘mitasi majlisi bo‘lib o‘tadi, unga 50 ga yaqin rasmiy shaxslar va xalqaro darajadagi 46 nafar arbitrlar taklif etildi.
Voqealarning borishi yuzdan ortiq mahalliy va xorijiy jurnalistlar tomonidan yoritiladi. Musobaqalarni Euronews telekanali translyatsiya qiladi.
Qilichbozlik bo‘yicha chempionat bugun — 1-aprel kuni ertalab saralash musobaqalari bilan boshlandi. Rasmiy ochilish marosimi esa 18:00 da bo‘lib o‘tadi.
Eslatib o‘tamiz, 31-mart kuni Chempionatda ishtirok etish uchun Toshkentga Xalqaro qilichbozlik federatsiyasi prezidenti Alisher Usmonov yetib keldi. U majmua va sport maydonlarini musobaqalarga tayyorlash, xodimlar va sportchilar uchun sharoitlar yaratishning borishi bilan tanishdi.
Izoh (0)