Toshkent shahar Shayxontohur tumani IIBga xususiy tadbirkor ariza bilan murojaat qilib, noma’lum shaxs uning shaharning general Uzoqov ko‘chasi hududida joylashgan kompyuter o‘yingohi eshigini buzib kirganini ma’lum qildi, deb xabar beradi O‘zbekiston Respublikasi IIV Matbuot xizmati.

Qayd etilishicha, Bend rusumli monitor, sakkiz dona Sony Playstation-3 o‘yin moslamasi pultlari va bir dona video kuzatuv xotira qurilmasi o‘g‘irlab ketilgan.

Ushbu holat bo‘yicha jinoyat ishi qo‘zg‘atilib, ichki ishlar xodimlari tomonidan olib borilgan tezkor chora-tadbirlar natijasida mazkur o‘g‘irlikni Uchtepa tumanida yashovchi 21 yoshli yigit sodir etganligi aniqlandi va u qo‘lga olindi. Ayni paytda tergov harakatlari olib borilmoqda.