Fransiyaning Kruasi-Bobur shahrida tennis bo‘yicha sovrin jamg‘armasi 50 ming AQSh dollaridan iborat bo‘lgan Open GDF Suez de Seine et Marne turnirining asosiy to‘r bahslari davom etmoqda, deb xabar beradi “Olamsport.com”.
Ushbu musobaqaning yakkalik bahslarida O‘zbekiston tennischilari Oqgul Omonmurodova va Nigina Abduraimova ilk uchrashuvlaridayoq mag‘lubiyatga uchragan edi.
O‘zbekistonning sobiq birinchi raqamli tennischisi Oqgul Omonmurodova juftliklar bellashuvini g‘alaba bilan boshladi. Ukrainalik Nadya Kichenok bilan to‘rtinchi raqamli juftlikni hosil qilgan Oqgul ilk davrada Bolgariya va belaruslik tennischilar – Elitsa Kostova hamda Lidiya Morozovadan 7:5, 7:6 hisobida ustun keldi. Ularning chorak finaldagi raqibalari chexiyalik Kristina Plishkova va britaniyalik Naomi Broadi bo‘ladi.