19-mart kuni Toshkent shahri Yunusobod tumanidagi Discovery do‘konida Munisa Rizayevaning yangi albomlari — qo‘shiqlar va konsert dasturi diski taqdimoti bo‘lib o‘tdi, deb yozadi “Sayyod.com”. Unda xonanda o‘z muxlislari hamda jurnalistlar savollariga javob berdi.
Yangi albomida nimaga urg‘u berishi haqidagi savolga javob berar ekan, Munisa bu yilgi albomidan joy oladigan qo‘shiqlarning so‘zlariga alohida e’tibor qaratayotgani, chunki qo‘shiq avvalo unga asos qilib olingan she’r ma’nosiga bog‘liq ekanligini ta’kidladi. O‘zining aytishicha, Munisa ayni paytda o‘zbek tilini chuqur o‘rganish uchun repetitorga qatnamoqda va hozirgacha yaxshi natijalarga erishdi.
Xonandaning muxlislaridan biri rus tilida gapiradiganlar uning qo‘shiqlari matnini rus yoki boshqa tillarda qayerdan topishi mumkinligini so‘raganida, Rizayeva ularga o‘zbek tilini o‘rganishni maslahat berdi. “O‘zbekistonda yashab turib o‘zbek tilini bilmaslik yaxshi emasligi”ni ta’kidladi.
Izoh (0)