AQSh va yevropalik ittifoqdoshlar ayni paytda Rossiyani SWIFT tizimidan chiqarish imkoniyatini istisno qildi, deya xabar bermoqda “RBK” masaladan xabardor rasmiy shaxslarga tayanib.
Ularning aytishicha, Rossiyaning SWIFT xalqaro bank tizimidan o‘chirilishi juda katta “bilvosita zarar”ni keltirib chiqaradi. Stenford universitetining moliya professori Darell Daffi so‘zlariga ko‘ra, Rossiya banklarini tarmoqdan uzib tashlash mamlakat moliyaviy tizimini falaj qilib qo‘yadi. “Bu barchaga ta’sir qilgan bo‘lardi”, — dedi u.
Rossiyaning SWIFT’dan uzib qo‘yilishi masalasi 2014-yil yozida ko‘tarilgan edi. Ushbu imkoniyat haqida fevral oxirida Buyuk Britaniya bosh vaziri Devid Kemeron ma’lum qildi. U bu rossiyaparast kuchlarning Ukraina hududida amalga oshirayotgan qilmishlariga javob tarzida qo‘llanilishi mumkinligi haqida ogohlantirdi.
Izoh (0)