Tunis maxsus xizmatlari mamlakat poytaxtidagi Bardo milliy muzeyiga hujumda qatnashgan jangarining ikki nafar oila a’zosini hibsga oldi, deya xabar berdi “TASS” huquqni muhofaza qilish organlari vakiliga tayanib.
“Biz terrorchi Hotam al Hashauiyning otasi va singlisini qo‘lga oldik”, — dedi u, biroq ularning qanday hibsga olinganiga oydinlik kiritishdan bosh tortdi.
Avvalroq Tunis hukumati muzeyga uyushtirilgan hujumga aloqadorlikda gumon qilib to‘qqiz kishini hibsga olgan edi. Ularning besh nafari bevosita terrorchilik harakatiga tayyorgarlik ko‘rishda qatnashgan bo‘lsa, qolgan to‘rt nafarining hujumni uyushtirgan ikki jangariga bog‘liqligi bo‘lgan.
Eslatib o‘tamiz, 18-mart, chorshanba kuni Tunis poytaxtidagi Bardo milliy muzeyida jangarilar sayyohlar guruhini garovga oldi, muzeyga hujum qurbonlari soni 21 kishini tashkil etdi.
Halok bo‘lganlar orasida Germaniya, Italiya, Polsha va Ispaniya kabi davlatlardan kelgan turistlar bor. Shuningdek ikki nafar tunislik — tinch aholi vakili va huquqni himoya qilish organlari xodimi terrorchilik qurboniga aylandi.
Izoh (0)