Rossiya prezidenti Vladimir Putin Checheniston rahbari Ramzan Qodirovni “mehnat muvaffaqiyatlari, qizg‘in jamoatchilik faoliyati va ko‘p yillik vijdonli ishi uchun” “Sharaf” ordeni bilan taqdirladi, deb xabar bermoqda “Interfaks”.

Shuningdek, sport gimnastikasi bo‘yicha to‘qqiz karra Olimpiada chempioni, Sobiq Ittifoqda xizmat ko‘rsatgan sport ustasi, Rossiya olimpiyachilarini qo‘llab-quvvatlash jamg‘armasi vasiylik kengashi a’zosi Larisa Latinina II daajali “Vatan oldidagi xizmatlari uchun” ordeni bilan taqdirlandi.

Aleksandr Nevskiy ordeni esa Rostov viloyati gubernatori Vasiliy Golubyov va fevral oyida 90 yoshlik yubileyini nishonlagan siyosiy sharhlovchi, telejurnalist va yozuvchi Valentin Zoringa berildi.