Marsdagi qadimiy okean Yerdagi Shimoliy Muz okeanidan ko‘ra ko‘proq suvga ega bo‘lgan. Bu haqda yer ustidagi observatoriyalar yordamida olingan ma’lumotlarga tayanib, NASA olimlari taxmin qildi, deb yozadi “Rossiyskaya gazeta”.
NASAning AQShdagi Kosmik parvozlar markazi tadqiqotchilari fikricha, Nuh erasi deb ataladigan davrda (taxminan 3,7 milliard yil avval) Marsda suv g‘oyatda ko‘p bo‘lgan. O‘sha paytda Qizil sayyorada mavjud bo‘lgan suv butun sayyora yuzasini 140 metr chuqurlikdagi suv bilan qoplashga ham yetarli bo‘lgan. Marsning shimoliy yarim sharida shakllangan okean sayyora umumiy maydonining taxminan 19 foizini egallagan bo‘lgan.
3 milliard yil ichida Mars, bugungi kunda uning qutb boshlari sig‘dirishi mumkin bo‘lgan miqdordan 6,5 marta ko‘p suv yo‘qotgan.
Izoh (0)