AQSh Savdo vakolatxonasi USTR Rossiyaning “Vkontakte” ijtimoiy tarmog‘ini, “Rutracker.org” torrent-trekerini, “Rapidgator.net” va “4shared.com” fayl almashuv xizmatlarini dunyodagi eng yirik “qaroqchi” resurslar ro‘yxatidan chiqarishdan bosh tortdi, deb xabar bermoqda “RBK”.
USTR saytida e’lon qilingan navbatdagi hisobotda ham yuqoridagi saytlar mualliflik huquqini buzuvchi eng yomon resurslar ro‘yxatidan o‘rin olgan. “Rutracker.org” va “Rapidgator.net” egasi kimligi ma’lum emas, “Vkontakte” esa Rossiyaning eng yirik internet kompaniyasi bo‘lgan Mail.ru Group’ga tegishli.
2014-yil kuzida “Vkontakte” vitse-prezidenti Dmitriy Sergeyev USTR’ga maktub bilan murojaat qilib, ijtimoiy tarmoq foydalanuvchilar nima chop qilishini oldindan boshqara olmasligini ma’lum qilgan. Biroq bu USTR vakillarini ishontirishga yetarli bo‘lmagan. “Vkontakte” internetdagi qaroqchilikka qarshi kurashayotgani, biroq mualliflik huquqini buzuvchilar sonining ko‘pligi ijtimoiy tarmoqning qiladigan ishlari hali ko‘pligini ko‘rsatishi qayd etilgan.
Izoh (0)