2015-yilning 3–5-mart kunlari Tokio shahrida “Markaziy Osiyo + Yaponiya” Muloqotining yuqori mansabdor shaxslari 9-Kengashi bo‘lib o‘tdi. Bu haqda O‘zbekiston Respublikasi Tashqi ishlar vazirligining rasmiy saytida xabar berildi.
Kengashda ishtirok etgan O‘zbekiston Respublikasi delegatsiyasi Yaponiya Tashqi ishlar vaziri parlamentdagi o‘rinbosari Kentaro Sanoura, Yaponiya Tashqi ishlar vazirligining Markaziy Osiyo va Kavkaz ishlari bo‘yicha maxsus vakili Akiro Muto, Yaponiya xalqaro hamkorlik agentligi (JICA) vitse-prezidenti Kae Yanagisava, Yaponiya-O‘zbekiston iqtisodiy hamkorlik qo‘mitasi raisi Mamoru Sekiyamo, Vakillar Palatasi deputati Seiichiro Murakami, Liberal-demokratik partiyasi bosh kengashi raisi Toshihiro Nikaiolar bilan ikki tomonlama muzokaralar o‘tkazdi.
Muzokaralar chog‘ida turli sohalarda O‘zbekiston–Yaponiya munosabatlarini rivojlantirishning amaliy masalalari yuzasidan fikr almashildi, ba’zi xalqaro va mintaqaviy muammolar muhokama qilindi.
Yaponiya parlamentining O‘zbekiston bilan do‘stlik ligasi a’zolari bilan uchrashuvda parlamentlararo aloqalarni mustahkamlash istiqbollari ko‘rib chiqildi.
Izoh (0)